kulankan ay maanta wada yeesheen Wasiirka Wasaaradda Xanaada Xoolaha,Dhirta iyo Daaqa ee Xukuumada Soomaaliya iyo hay’adda Qaramada Midoobay u qaabilsan Cunada iyo Beeraha FAO ayaa waxaa uu ku saabsanaa sida ay wada shaqeyn joogto ah u wada yeelan lahaayeen Wasaaradda Xanaanada xoolaha iyo Hay’adda FAO ayaa waxaa ka qeybgalay mas’uuliyiinta sare ee Wasaaradda iyo madaxda Hay’adda Cunada iyo Beeraha.
Mr Richard oo kamid ah mas’uuliyiinta hay’adda FAO ayaa dhankiisa sheegay in sanadkii tagay Soomaaliya guud ahaan ay dib u talaaleen 25.1 milyan oo Xoolo ah isla markaana ay hadda diyaar u yihiin in mashaariic kale ay Wasaaradda kaga gacn siiyaan arimaha quseeya Wasaaradda Xanaanada Xoolaha, Dhirta iyo Daaqa.
Mudane Saciid Xuseen Ciid oo ah Wasiirka Xanaanada Xoolaha, Dhirta iyo Daaqa oo kulanka ka dib la hadlay Warbaahinta Qaranka ayaa sheegay in u jeeda kulankan ay kamid aheyd in la qiimeeyo mashaariicda lagu horumarinaayo Xoolaha Soomaaliya isla markaana kuwo kale loo abuuri lahaa.
