Wasiirka Wasaaradda Xannaanada Xoolaha, Dhirta iyo Daaqa ee Xukuumadda Federaalka Soomaaliya Mudane Xuseen Maxamuud Sheekh Xuseen ayaa magaalada Muqdisho maanta ka furay Tabbabar ku saabsan Doorka Warbaahinta Soomaaliyeed ay ka qaadan karto Yareynta iyo Ka Hor-tagga Xaalufinta Dhirta oo dhibaato ballaaran ku haya Deegaanka iyo Bulshadda.
Tababarkaan oo socon doona Muddo labo cisho ah ayaa waxaa casharada ka bixinaya Qubaro isugu jirta Soomaali iyo Ajnabi, waxaana inta uu socdo la isku dhaafsan doonaa fikardo iyo tusaalooyin ku saabsan sidii la isaga kaashan lahaa Baahinta dhibaatooyinka laga dhaxlo Xaalufinta Dhirta.
Madaxa Mashruuca yareynta isticmaalka Dhuxusha Cabdiqani Raage Barrow ayaa tilmaamay inay ka dhalan doonto cawaaqib xummo, maadaama xaa xaalufinta dhirta ay keeneyso Nabaad guur.
Wasiirka Wasaaradda Xannaanada Xoolaha, Dhirta iyo Daaqa Xukuumadda Federaalka Soomaaliya Mudane Xuseen Maxamuud Sheekh Xuseen oo tabbabarkaan Daah-furay ayaa sheegay in Dawladda ay mar walbo u taagan tahay sidii loo joojin lahaa dhoofinta Dhuxusha oo dhibaatooyin kala duwan xambaarsan, waxaana uu Warbaahinta ka codsaday inay kala shaqeeyaan sidii looga hor-taggi lahaa Xaalufinta iyo dhabar goynta lagu hayo Dhirta.
