Allaha u naxariistee Muxiyadiin Xasan Xaaji oo horay xilal kala duwan u soo qabtay dowlidihii KMG ahaa ayaa goor dhow ku geeriyooday qarax loogu xiray gaarigiisa, xilli uu marayay agagaarka Isgoyska KM4 ee magaalada Muqdisho.
Allaha u naxariistee Muxiyadiin Xasan ayaa horay waxa uu ahaa Wasiirkii Gaashaandhigga Xukuumaddii Ra’iisul Wasaarihii hore ee Nuur Xasan Xuseen Cadde.
Wararka ayaa intaa ku daraya in gaari yar oo kuwa raaxada oo uu watay qarax loogu xiray, kadibna uu qaraxaas ku dhintay.
Ruux kale oo Gaariga la saarnaa ayaa la sheegay inuu isna ku dhaawacmay,
Ciidamada amniga oo goobta gaaray ayaa halkaasi ka bilaabay howlgallo lagu baadi goobayo dadkii ka dambeeyay falkaasi.
