Munaasabad lagu xusayay sanad guurada afaraad ee ka soo wareegtay aas aaska Idaacadda Kulmiye oo ka mid ah idaacadaha ka howlgalla Muqdisho ayaa waxaa ka qeyb galay Siihayaha Wasiirka Warfaafinta, Danjiraha Soomaaliya ee Kenya, xubno ka socday maamulka Gobolka Banaadir, ururka haweenka Qaranka, suxufiyiin iyo marti sharaf kale oo xafladda lagu casuumay.
Agaasimaha Idaacadda Kulmiye Abwaan Cismaan Cabdullaahi Guure oo ka hadlay munaasabadda ayaa ka sheekeeyay adeegyadii ay bulshada u qabteen, isagoo si gaar ah u xusay in waxbadan oo bulshada ka qarsoonaa ay dibadda keeneen.
Related posts
Canab Xasan Cilmi Guddoomiye ku-xigeenka ururka haweenka Qaranka oo munaasabadda hadal ka jeedisay ayaa tilmaamtay in ay aad ugu faraxsantahay ka qeybgalka xuska afar sano guurada ka soo wareegtay markii dhibibada loo taagay Idaacadda Kulmiye.
Cabdi Xaaji Goobdoon oo ah qabiir saxaafadeed, kana mid ahaa dadkii ka hadlay xafladda ayaa xusay in Idaacadda Kulmiye ay ka midtahay idaacadaha loogu dhageysiga jecelyahay magaalada.
Guddoomiye ku-xigeenka gobolka Banaadir ee dhanka Siyaasadda Maxamed Aadan Guuled βCaano Geelβ
Safiirka Soomaaliya ee Kenya Danjire Maxamed Cali Nuur Ameeriko ayaa sheegay in Idaacadda Kulmiye ay ka midtahay idaacadaha u taagan u adeegidda bulsahda, isagoo hambalyo u diray bahda Idaacadda Kulmiye.
Siihayaha Wasiirka Warfaafinta Soomaaliya Mudane Mustaf Sheekh Cali Dhuxulow oo soo xiray xafladda ayaa hambalyo u diray masβuuliyiinta iyo howlwadeenada Idaacadda Kulmiye, kuna booriyay inay sii labo jibaaraan adeegyada ay bulshada u hayaan.
Munaasabadda oo ay ka qeyb galeen faniin ayaa waxa ay madasha ku soo bandhigeen suugaan ka turjumeysa waxqadbadka Idaacadda Kulmiye, iyadoo gabo gabadii xafladda Shahaado sharaf lagu guddoonsiiyay masβuuliyiin kala duwan oo uu ku jiray siiyaha Wasiirka Warfaafinta Mudane Mustaf Sheekh Cali Dhuxulow.
Sawir Qaade: Farxaan Saleebaan 
