Wasiirada Wasaaradaha Arrimaha Gudaha iyo Awqaafta XFS Cali Yuusuf Cali Xoosh iyo Sheekh Muqtaar Rooboow Cali ayaa ka qeybgalay dood cilmiyeed lagu qabtay Magaalada Muqdisho oo ku saabsananeyd ka hortagga tabaha khawaarijta ee hurinta colaad beeleedyada.
Doodcilmiyeedkaan oo ay soo abanqaabiyeen Wasaaradaha Arrimaha Gudaha iyo Awqaafta ayaa waxaa ka qeybgalay Culimaa’udiin ,oday dhaqameed iyo waxgarad ka socday qeybaha bulshada.
Doodcilmiyeedkaan ayaa muddadii uu socday looga hadlay qodobbo ay kamid ahaayeen sidii looga hortagi lahaa tabaha khawaarijta ee xagga hurinta colaadaha ,isdhaasfsiga xogaha iyo sidii loo raadin lahaa xal Qaran oo lagu daaweeyo arrimahaasi.
Wasiirada Wasaaradaha Arrimaha Gudaha iyo Awqaafta XFS Cali Yuusuf Cali Xoosh iyo Sheekh Muqtaar Rooboow Cali ayaa ku baaqay in laga hortago tabaha khawaarijta ee hurinta colaad beeleedyada.
Doodcilmiyedkaan ayaa qeyb ka ah qorshaha dowladda ee la doonayo in dalka looga xoreeyo kooxaha khawaaerijta oo caqabad ku ah xasiloonida iyo horumarka dalka.
