Wafdi wasiiro ah ayaa gaaray magaalada Kambala ee caasimadda dalka Uganda, halkaassi oo ay uga qeyb galayaan shir looga hadlayo arrimaha qaxootiga, oo uu soo abaabulay Urur Goboleedka IGAD.
Shirkan oo soconayay muddo saddex cisho ah ayaa waxaa ka soo qayb galay wadamada kale oo wasiiro iyo agaasimayaal ka socday hay’adaha kala duwan ee arrimaha qaxootiga khuseeya, iyadoo dhonaca Soomaaliyana ay uga qeybgalayaan Wafdiga Wasiirada ah waxaana ka mid ah Wasiirka Wasaaradda Gargaarka iyo Maaraynta Musiibooyinka Mudane Xamse Saciid Xamse iyo wasiiru-dowlaha Arrimaha dibadda Soomaaliya Mudane Cabdiqaadir Axmed Khayr , sidoo kale waxaa ka mid ah wafdigan agaasimayaal ka socda Wasaaraha kala duwan ee dowlahada ku bahoobay ururka IGAD.
Khudbadihii inta badan waxaa laga jeediyay shirka heer agaasimayaal ah ayaa waxaa looga hadlay arrimaha qaxootiga , waxaana si gaar ah loo soo hadal qaaday arrimaha qaxootiga Soomaaliya
Shirkani ayaa la filayaa in maanta oo khamiis ah oo ay bishan tahay 28-ka ayaa lagu wadaa in shirkan la soo gabagabeeyo, islamarkaana ay ka soo baxaan arrimo muhiim u ah Qaxootiga gaar ahaan kuwa Soomaalida.
