Wasiirka Wasaaradda Qorsheynta, Maalgashiga iyo Horumarinta Dhaqaalaha Koofur Gaalbeed Mudane Axmed Madoobe Nuunow iyo Wasiirka Wasaaradda Howlaha Guud Dib u-Dhiska iyo Guryeynta Mudane Maxamed Cali Xasan oo maalmahan ku sugan dalka Nigeria gaar ahaan Dowlad Goboleedka Kaduna State ayaa ka qeyb galay shirka Maalgashiga ee Kaduna oo loo soo gaabiyey (KADINVEST 6.0)
Shirkaan oo ay si wadajir ah u fureen Madaxweyne ku Xigeenka Nigeria iyo madaxweynaha Kaduna State Mudane Nasir Al-Rufai ayaa waxaa ka soo qeyb galey wafuud caalami ah oo ka kala socdey wadamo iyo shirkado maalgashi.
Waxaana shirka inta uu socday lagu soo bandhigay fursadaha maalgashi ee ka jira guud ahaan dalka Nigeria gaar ahaa Dowlad Goboleedka Kaduna State.
Safarka labada wasiir ee Koofur Galbeed ayaa daba socota kii wefdiga madaxweyne Cabdicasiis Xasan Maxamed Laftagareen ugu tagay dalkaas kal hore, isla markaana uu la soo kulmay madaxweynaha is maamulka Kaduna State oo ay heshiisyo soo wada galeen.
Waxyaabihii ay ku heshiiyeen labada dhinac ayaa waxaa kamid ahaa iskaashi dhex mara labada dowlad goboleed Koofur Galbeed Soomaaliya iyo Kaduna State Nigeria.
