Kormeer uu ujeedkiisu ahaa u kuurgalidda xaddiga ay gaarsiisanyihiin Abaaraha iyo biyo yarida ka jirta Deegaanada Galmudug ayaa waxaa xubno ka tirsan Guddiga Galmudug ay u xilsaartay war ka keenista.
Abaaraha ka taagan deegaannada Galmudug oo isugu jiray Wasiirro iyo Xildhibaano waxa ay ku mareen deegaano fara badan oo ay ka mid ahaayeen Bandar, Qaali jilable, Xungod Bud-bud, Af barwaaqo, Ceel-dibir iyo kuwa kale kuwaasi oo ku yaala Bariga iyo Waqooyiga Gobalka Mudug.
Qaar ka mida xoola dhaqatada ku nool deegaanada ay mas’uuliyiintu kormeerka ku tageen ayaa Warbaahinta Qaranka uga warramay baaxadda ay gaarsiisan tahay abaaraha iyo biya yarida ka taagan deegaanada ay ku nool yihiin, waxayna sheegeen Abaartu ku dhufatay deegaanadaasi in ay saameeyn baโan ku yeelatay dadka iyo duunyada.
Wasiiru Dowlaha Amniga Galmudug C/laahi Axmed Calasoow (Shiino) oo isna la hadlay Warbaahinta Qaranka ayaa baaq ujeediyay Dowlada Fadaraalka iyo Hay’addaha samafalka, wuxuuna ka codsaday iney gargaar la soo gaareen dadka iyo duunyada ku nool deegaanada ay abbaaraha ku dhufteen.
