Wasiiru Dawlaha Caafimaadka Maamulka Puntland oo Maanta loo dhaariyey Xilka Cusub ee Dhowaan loo Magcaabay “Sawirro”

Waxaa maanta 17-Feb-2016 lagu dhaariyey Aqalka Madaxtooyada Maamulka Puntland ee Garoowe Wasiiru Dawlaha Caafimaadka ee maamulkaasi  Sayid-Cumar Aadan Guuleed oo dhowaan xilkaasi u magcaabay Madaxweynaha Puntland Dr.Cabdiweli Maxamed Cali Gaas.

Munaasabadda dhaarinta Wasiiru Dawlaha Caafimaadka  Dowlad goboleedka Puntland  ayaa waxay ka dhacday Xafiiska Madaxweyne ku-xigeenka maamulka Puntland Eng.Cabdixakiim Cabdulaahi  Xaaji Cumar Camey.

Related posts

Wasiirka Amniga Gudaha XFS oo furay wajiga Labaad ee barnaamijka wadajirka Booliska ee (JPP II) .

January 20, 2026

Guddiga amniga iyo taakulaynta Hirshabeelle oo booqday deegaanka Jabad Godane.

January 20, 2026

Madaxweyne ku-xigeenka Maamulka Puntland Eng.Cabdixakiim Cabdulaahi  Xaaji Cumar  Camey ayaa dhaarinta ka dib kula dar-daarmay Wasiiru Dawlaha in uu shaqadiisa daacadnimo u guto isla markaana la yimaado dedaal dheeraad ah si loo sii dar-dargeliyo Caafimaadka deegaanada Puntland.

“waxaan kugula dar-daarmayaa in sida aad u dhaaratay aad xilkaaga u gudato, lana timaadid dedaal iyo daacadnimo dheeraad ah, isla markaana aad ka fogaatid waxkasta oo gudashada  waajibaadkaaga kaa weecinaya”ayuu yiri Madaxweyne ku-xigeenka Maamulka Puntland Eng.Camey.

Madaxweyne ku-xigeenka  Maamulkaasi ayaa sidoo kale Eebe uga baryey Wasiiru Dawlaha maamulkaasi  in uu xilka culus ee loo igmaday  uu u fududeeyo, isla markaana uu kadhigo mid wax badan kusoo kordhiya Caafimaadka Puntland.

—DHAMMAAD—