Wasiiru Dowlaha Arrimaha gudaha ee Xukuumadda Federaalka Soomaaliya C/rishiid Maxamed Xidig ayaa goor dhow gaaray magaalada Kismaayo, iyadoo ay la socdaan wasiiru dowlaha xubno ka socda safaaradda Talyaaniga ee Soomaaliya waaxdeeda horumarinta.
Wasiiru dowlaha ayaa markii halkaasi uu gaaray isaga iyo xubnaha la socda waxay kulan la qaateen mas’uuliyiinta maamulka Jubba, oo ay ka wada hadleen arrimo kale duwan oo la xiriira horumarinta qeybaha maamulka.
Intaasi kaddib wafdiga waxay booqdeen qaar ka mid ah xaruumaha maamulka jubba ee magaalada Kismaayo sida xarun loo diyaariyay Baarlamaanka Maamulka Jubba,Dekeda magaalada magaaladaasi, iyagoo bogaadiyay howsha socota.
Weli Wafdiga waxay ku guda jiraan kormeerka qeybaha magaalada.
Wixii warar ah ee Ku soo Kordha Waan Idiin la socodsiin Donaa Insha’allah
