Wasiiru-dowllaha Wasaaradda Caafimaadka Xukuumadda Federaalka Soomaaliya , Dr. Maryama Maxamed Xuseen,ayaa kulan muhiim ah la qaadatay Madaxa Hay’adda ACF (Action Against Hunger-USA), Mr. Charles Owubah, oo booqasho rasmi ah ku yimid Soomaaliya markii ugu horreysay.
Kulankan ayaa diiradda lagu saaray sidii loo xoojin lahaa wada shaqeynta Wasaaradda iyo Hay’adda ACF.
Related posts
Intii uu socday kulanka,, Wasiiru-dowllaha Caafimaadka Dr. Maryama iyo Mr. Charles Owubah ayaa si qoto dheer uga wada hadlay arrimaha muhiimka ah ee la xiriira horumarinta adeegyada caafimaadka ee dalka, gaar ahaan kor u qaadista adeegyada caafimaadka aasaasiga ah, daryeelka caafimaadka hooyada iyo dhallaanka, iyo sidii loo gaarsiin lahaa adeegyada caafimaadka ee muhiimka ah dhammaan bulshada Soomaaliyeed.
Wasiiru-dowllaha Wasaaradda Caafimaadka XFS ayaa sidoo kale sheegtay inay muhiim tahay in la kordhiyo iskaashiga farsamo ee ACF iyo Wasaaradda Caafimaadka.
Ugu dambeyntiii Dr. Maryama Maxamed Xuseen ayaa uga mahadcelisay Mr. Charles Owubah iyo wakiilka Hay’adda ACF ee Soomaaliya, dadaalka weyn ee ay ugu jiraan sidii ay bulshada Soomaaliyeed ugu gaarsiin lahaayeen adeegyada caafimaadka ee muhiimka ah, gaar ahaan kuwa hooyada iyo dhallaanka. Waxaana ay muujisay in Wasaaradda Caafimaadka ay si weyn ugu qanacsan tahay wada shaqeynta ka dhaxeysa labada dhinac, ayna rajeynayso in xiriirkaasi uu sii xoogeysto mustaqbalka.
