Kulan looga hadlayay sidii garoon diyaaradeed iyo deked loogu hirgelin lahaa magaalada Baraawe ayaa lagu qabtay islamagaaladaasi.
Kulanka ayaa waxaa ka qeybgalay wasiiru-dowlaha xafiiska R/wasaaraha dalka ee arrimaha deegaanka Burci Maxamed Xamsa, madaxweynaha maamulka K/galbeed Shariif Xasan Sheekh Aadan, wakiilka Midowga Yurub ee Soomaaliya, iyo wakiillo ka socday Midowga Afrika iyo Qaramada Midoobay.
Sidoo kale kulanka ayaa looga hadlay muhiimadda ay leedahay garoon diyaaradeed oo laga hirgeliyo Baraawe iyo baahida ay u qabaan bulshada ku dhaqan degmadaasi, maadaama ay noqotay magaalo madaxda maamulka K/galbeed ee Soomaaliya.
Wakiila Midowga Yurub ee Soomaaliya oo ka haladlay kulanka ayaa sheegay in Midowga Yurub uu kaalin wanaagsan ka qaadanayo horumarinta degmada Baraawe gaar ahaan dhismaha dekedda iyo garoonka diyaaradaha.
