Kulankaan ay isugu yimaadeen Waxgaradka iyo aqoonyahanada ka soo jeeda gobollada Galgaduud iyo Mudug oo looga hadlayay arrimo badan oo ku saabsan dagaalada ka dhacay degmada Guriceel, shirka dib-u-heshiisiinta ka socda Degmada Dhuusamareeb iyo kuwa kale oo quseeya dhismaha maamul Goboleedyada dalka ayaa maanta laga soo saaray War-saxaafadeed ka kooban 7 qodob, kuwaasi oo ku saabansanaa aayaha bulshada ku nool labadaasi Gobol.
Waxgaradkan oo shirkooda ka socday Muqdisho muddo dhowr cisho ah ayaa gabo gabadii lagu xusay inay taageersanyihiin dhismaha maamulka Gobollada Mudug iyo Galgaduud.
Related posts
Muxudiin Daaโuud Dhimbil oo Warfidiyeenka u akhriyay war-saxaafadeedka ay shirkooda ka soo saareen ayaa sheegay in dowladda Soomaaliya looga fadhiyo inay door muhiim ah ka qaadato soo gunaanadka shirka dib-u-heshiisiinta ee ka socda Degmada Dhuusamareeb iyo xal ka gaaridda colaadda Guriceel.
โWaxaan ku baaqaynaa in si sharuud laโaan ah loo joojiyo colaadda dadaalka ka soconaya Guriceel, shacabkana loo ogolaado in ay guryahooda si nabad ah ugu soo laabtaan, Dowladda Federaalka ah ee Soomaaliya waxaan ka codsaneynaa soo gunaanadka shirka dib-u-heshiisiinta hadda socda, si loogu gudbo Maamul u sameynta Gobollada Mudug iyo Galgaduudโ ayuu yiri Muxudiin Daaโuud Dhimbil.
Sawir Qaade: Cabdi Aadan Young Kuuriya
