Suldaan Subeyr Xaaji Maxamuud Abokor oo ka mid ah isimada Puntland oo ay weheliyaan cuqaal iyo nabadoono iyo qurbajoog reer Puntlan ah ayaa booqday qeybo ka mid ah gobolka Karkaar ee dhaca badda hindiya.
Suldanka oo booqday Degmada Qadiimiga ah ee Bander Bayla ayaa halkaasi kula kulmay cuqaasha wax garadka iyo isimada deegaanka, isagoona Degmada Bander Bayla kaga qay galay shir ay iskugu yimadeen dadka deegaanka kaasi oo duleedka degmadaasi, waxana shirka looga hadlay horumarka nabadda, midnimada, iyo adkaynta Ammaanka Deegaanka iyo guud ahaan Puntland.
Suldaanka waxa uu shirkaasi oo soconayay 4 maalin xiritaankiisa ka jeediyay khudbad uu uga hadlayay qiimaha wada jirka iyo isku duubnida shacabka degmada.
shirkaasi kadib suldaanka iyo waftigiisu waxa ay u ambabaxeen deegaanka Mareer ee ka tirsan Degmada Isku Shuban ee gobolka Karkaar, waxaana halkaasi kaga qayb galay munaasbad lagu caano shubayay Nabadoon Abshir Maxamed Axmad oo ah nabadoon cusub oo ay doorteen mid ka mid ah beelaha Tanade ee degta deganadaasi.
Suldaanka Subeyr isimo iyo cuqaal ayaa ugu hambalyeeyay nabadoonka cusub shaqada iyo xilka ay ku aamineen dadkiisu iyagoona kula dardaarmay inuu si daacad leh dgaanan iyo ka fiirsashoba leh uu dadkiisu ugu adeego.
Ugu dambeyntii Suldaan Zubayr Xaaji Maxamuud iyo wagtigiisa ayaa dhagax dhigay Iskuul Saldhig boolis iyo Ceel biyood Riig ah kaasi oo si isku tashi ah u dhisanayaan dadka degaanka Mareer, iyadoona suldaanku uu dadka qurbajoogta ah ugu baaqay inay ka qayb qataan horumarka ay tiigsanayso bulshudu.
