Madaxweynaha DF Soomaaliya Maxamed Cabdulaahi Farmaajo iyo wafdi uu hogaaminayo ayaa maanta si diiran loogu soo dhaweeyay magaalada Qardho .
Madaxweynaha iyo wafdig la socday waxaa soo dhawayntooda ka qayb qaatay qaybaha kala duwan ee bulshada magaalada Qardho, waxaana kahor inta aanay soo gaarin magaalada si wayn loogu soo dhaweeyay Dangorayo ,halkaas oo ay kasoo dhagax dhigeen waddo laami ah oo isku xiriiridoonta magaalooyinka Dangorayo iyo Eyl .
Madaxwaynaha dawladda federaalka ee Soomaliya iyo Madaxwaynaha dowlad Goboleedka Puntland ayaa markii ay soo gaareen magaalada Qardho waxaa halkaasi kusoo dhaweeyay, duqa degmada Qardho , qaar ka mid ah Golayaasha dawladda Puntland, iyo dawlaadda federaalka Soomaaliya , isimo, Salaadin , Cuqaal , waxgarad iyo Qaybaha kala duwan ee bulshada magaalada Qardho .
Madaxweynaha DF ee Soomaaliya ka mahad-celiyey soo dhawaynta balaaran ee ay ku Maamuuseen .
Sidoo kale Boqor Burhaan Boqor Muuse ayaa waxa uu hadhima-sharafeed usameeyay Madaxweynaha Dawlad Goboleedka Puntland iyo Mdaxwaynaha DF Soomaaliya , isla mar ahaantaana waxaa uu boqorku hadiyado hiddaha iyo dhaqanka ah oo uu ugu talagalay in uu ku Maamuuso Gudoonsiiyay Madaxwaynaha DF Soomaaliya iyo weliba siyaasi Salaad Cali Jeele.
Boqorka ayaa wax uu halkaasi ka jeediyay hadalo mahad naq ah oo uu kusoo dhawayanyo Madaxwaynaha Dawladda FD Soomaaliya .
Ugu danabayn Madaxwaynaha dawladda federaalka ee Soomaaliaya iyo Madaxweynaha Dowlad Goboleedka puntland ayaa waxa ay dhagax-dhigeen dhisme ay yeelan doonto Jaamacadda Ummadda Soomaaliyeed faraceeda magaalada Qardho ..
