Cabdullaahi Cali Barre oo ah Wiil Soomaaliyeed, isla markaana ah agaasimaha Hay’adda Gateway community Service oo dadka soo galootiga ka caawisa dhanka shaqo helista ayaa markii ugu horeysay ku guuleystay abaalmarin lagu magacaabo Shaping Maine uu sannad kasta baxixiyo gobalka Maine ee dalka Mareykanka, taas oo lasiiyo 50 qof ee bulshada Gobalka wax ku soo kordhiyey ama ka hirgaliyey adeeg wanaagsan.
CabdullaahiΒ ayaa abaalmarintan ku mutesytay in uu adeegyo baahi weyn loo qabay ka hirgaliyey Gobalka, waxaana uu soo dhaweeyey talaabada abaalmarintan lagu gudoonsiiyey, isagoo sheegay in ay u tahay dhiiri-galin.
Related posts
Dhanka kale Cabdullaahi Cali Barre ayaa xusay in ay jiraan dad aad u badan oo Soomaali ah, oo ayaga laftigoodu wax ku soo kordhiyey Gobolka, ayna mudnayd in la siiyo abaalmarintan, wuxuuna kaloo sheegay in qof kasta oo Soomaaliya looga bahan yahay da’daal uu dadkiisa ugu adeego.
Farah Bille oo ka tirsan Jaaliyadda Soomaaliyeed oo Gobolka Washington State kana tirsan bahda caafimaadka magaalada SeattleΒ oo lagu casumay kullanka ayaa sheegay in tani ay tahay guul weyn oo u soo hooyatay dadka Soomaaliyeed guusha iyo magaca uu Cabdullaahi u soo hoyey.
Soomaalida ku nool Gobolka Maine ayaa lagu qiyaasaa 12 kun illaa 13 kun, waxayna doorashadii sannadkii la soo dhaafay Deeq DhalacΒ ka mid noqatay Gollaha Deegaanka ,waana gabadhii ugu horeysay ee Muslim ah ama madow ah ee xil ka qabato golaha deegaanka ee magalada Koonfurta Portland, iyadoo Safiya Khalid-na hadda ka sharxan tahay magaalada Lewiston ee isla Gobolka Maine.
Sannad kasta abaalmarinta la baxiyo ayaa lasiiyaa 50-ka qof ee ugu saameyta badan ama waxqabadka wanaagsan ee ka hirgaliya Gobalka Maine ee dalka Mareykaka.
Abdihakim Abdi Ismail Warbaahinta Qaranka Maine USA.
