xaalada magaalada Baladweyne ee gobolka Hiiraan iyo deegaano hoostago ayaa lagu soo waramayaa in saakay aad u dagantahay isla markaana kama jiraan wax dagaal ah oo ka socdo.
Magaalada Baladweyne ayaa waxa maalmihii lasoo dhaafay ka socday dagaalo u dhaxeeyo beelo wada dego gobolka Hiiraan oo sida la sheegay isku heysto dhul daaq ku yaal deegaano hoostago magaalada Baladweyne.
odayaasha dhaqanka iyo waxgaradka deegaanada lagu dagaalamay Β kasoo jeedo ayaa waxa ay wadaan dadaalo xoogan oo ay ku doonayaan in soo afjaraan xiisada ka taagan magaalada Baladweyne.
Dhanka Kale Xildhibaanada Hirshabeelle ee kasoo jeedo Gobolka Hiiraan ayaa ku baaqay in si deg deg ah loo joojiyo dagaalada kasoo cusboonaaday Magaalada Baladweyne iyo deegaano hoostago ayagoo baaqyo kala duwan u diray Maamulka Gobolka , Ciidamada AMISOM iyo waxgaradka dhinacyada is dagaalay.
