Xaaladda degmada Dhuusamareeb ayaa saaka deggan kadib markii shalay uu halkaasi ka dhacay dagaal u dhaxeeyay ciidamada dowladda iyo malleeshiyaad hubeysan.
Dadka ku nool degmadaasi ayaa xalay ku seexday sakana kusoo toosay jawi nabadeed oo ka duwan kii shalay, waxaana dib u furmay goobihii ganacsiga, xarumaha caafimaadka iyo dugsiyada waxbarashada.
Ciidamada dowladda ayaa sugaya ammaanka magaalada Dhuusamareeb ee xarunta gobolka Galgaduud, mana jirto dhiillo colaadeed oo maanta halkaasi ka taagan.
Sidoo kale ciidamada ayaa gacanta ku haya kontoraalka magaaladaasi, kadib markii ay shalay ka saareen maleeshiyaad hubeysan oo ciidamada kala horyimid Β dagaal fudno ah.
