Xaalada Magaalada Gaalkacyo ee xarunta gobolka Mudug oo ay ku sugan yihiin guddiga waawaanta halkaasi ka waday oo uu horkacaya Raโisul Wasaaraha Jamhuuriyadda Federaalka Soomaaliya mudane Cumar C.rashiid Cali Sharmaarke ayaa saakay degan, iyadoo aysan jirin rasaas laga maqlayo.
Guddiga waawaanta ee Gaalkacyo ku sugan ayaa la filayaa in maantaba la kala qaado ciidamada kala taabacsan labada maamul ee ku diriray magaaladaasi, waxaana jawiga uu u muuqanayaa mid soo hagaagaya.
Related posts
Saacadihii la soo dhaafay Magaalada Gaalkacyo waxaa ka soconayay kulamo kala gooni gooni ah oo ay hormuud u ahaayeen xubno waawaanta u jooga Gaalkacyo oo uu Raโisul wasaaraha dalka ugu horeeyo, kuwaa oo lagu doonayo in mar kale aysan soo noqon xiisada gacan ka hadalka sababtay.
Madaxweynayaasha Maamulada Galmudug iyo Puntland ayaa horey ugu heshiiyay hergalinta afar qodob ay ka mid ahaayeen xabad joojin deg deg ah iyo in laklaa qaado Ciidamada labada maamul ee isku horfadhiya Magaalada Gaalkacyo.
