Wasiirka Wasaarada Dekadaha iyo Gaadiidka Badda Xukuumadda Soomaaliya ayaa maanta waxaa uu kulan la qaatay Wasiiru dowlaha wasaarada Gaadiidka iyo Saadaasha Hawada ahna ku simaha wasiirka Agaasimayaasha labada wasaaradooda Hanti dhowraha Guud Ee Qaranka Maareeyaha Guud Ee Dekada iyo mas,uuliyiin kale kulankaas oo ahaa mid looga dhawaaqay furitaanka Xafiis kala habeyn ku sameeya Gaadiidka Dekada Muqdisho ka shaqeeya oo mudo dheerba uu ka taagnaa is qabqabsi gaaray Xafiisyada Madaxda Qaranka.
Mudo dhowr bilood ah ayaa waxaa socday Qorshe lagu nidaaminayo Gaadiidka ka shaqeeya Dekada isla markaana loogu sameynayo Xafiis la socda howla gaadiidkaas maanta ayaana la soo gabagabeeyay oo Xafiiskaas in uu furan yahay lagu dhawaaqay.
Agaasimaha Wasaaradda Gaadiidka iyo Saadaasha Hawadda Soomaaliya Maxamed Cismaan Cali Dhagaxtuur,ku simaha Agaasimaha Wasaaradda Dekadaha iyo Gaadiidka Badda Maxamuud Kulmiye Axmed iyo Maareeyaha Guud Ee Dekada Muqdisho Cabdulaahi Ali Nuur ayaa waxaa ay ka hadleen furitaanka Xafiiskaan heerarkii ay soo martay iyo muhiimada uu leeyahay in la furo.
Wasiiru dowlaha Wasaaradda Gaadiidka iyo Saadaasha Hawadda Mudane Maxamed Isaaq Cismaan ayaa waxaa uu u mahad naqay Mas’uuliyiintii mudo todoba bilood ah soo waday Qorshahaan Xafiiska lagu furay maanta isagoo soo jeediyay in sidii loogu talo galay loo fuliyo howsha uu qaabilsanyahay.
Wasiirka Wasaaradda Dekadaha iyo Gaadiidka badda Xukuumadda Soomaaliya Mudane Nuur Faarax Cusmaan ayaa si rasmi ah ugu dhawaaqay Xafiiskaan qaabilsan kala qaabeynta iyo la socodka Gaadiidka Dekada ka shaqeeya in uu si rasmi ah u furan yahay.
