Wafdi ka socda Qaramada Midoobay gaar ahaan Xafiiska UNSOM ee Baydhabo oo maanta booqasho ku tegay magaalada Baydhabo ee xarunta Gobolka Baay ayaa halkaasi kula kulmay Golaha Wasiirada ee Maamulka Koonfur Galbeed ee Soomaaliya..
Kulanka ayaa looga hadlay sidii Golaha Wasiirada looga taageeri lahaa waxyaabaha lagama maar maanka u ah howlaha horyaalla, iyadoo la isku aftgartay in xafiiska UNSOM ee Soomaaliya uu xoojin doono taageerada uu siinayo Maamulkaasi.
Wasiirka Warfaafinta ee maamulka Koonfur Galbeed Soomaaliya, Xasan Cabdi Maxamed oo Warbaahinta la hadlay kulanka kaddib ayaa sheegay in saraakiisha ka socday Xafiiska UNSOM ay qalabeyn doonaan xafiisyada golaha Wasiirada ee Maamulkaasi.
Wasiirka Warfaafinta ee Maamulka Koonfur Galbeed ayaa xusay in ay joogteyn doonaan shirarka lagu xoojinayo tayenta iyo kala warqaadashada, waxaana uu intaa ku daray inay aad ugu faraxsanyihiin in saraakiil ka socotay xafiiska UNSOM ay la kulmaan.
Saraakiisha ka socday xafiiska UNSOM ayaa ballan qaaday inuu gacan ka geysanayo sidii gargaar loo gaarsiin lahaa dadka tabaalaysan ee ku nool deegaannada maamulka uu ka arrimiyo,
