Xafiiska Qaramada Midoobay ee Soomaaliya ayaa qalab ka kooban Matoorro dab dhaliyayaal ah ku wareejiyey taliska ciidanka Boliiska Puntland, agab wareejinta oo ka dhacday magaalada Garoowe ayaa waxaa goob joog ka ahaa isla markaasna qalabkaas la wareegay taliyaha ciidanka Boliiska ee maamulka Puntland Maxamed Siciid Jaqanaf iyo Wasiirka Wasaaradda Amniga iyo Hub ka dhigista Puntland Xasan Cismaan Alloore.
Qalabkaan maanta lagu wareejiyey ciidanka Bilayska Puntland ayaa waxa uu qeyb ka ahaa agabyo kala duwan oo dawladda Jabaan ay ugu deeqday Soomaaliya, sidaas waxaa saxaafadda u sheegay taliyaha ciidanka Boliiska Puntland Maxamed Siciid Jaqanaf, isla markaasna ka mahadceliyey deeqda la siiyey.
Wasiirka Wasaaradda Amniga Puntland ayaa sheegay inay ku faraxsanyihiin agabka maanta lagu wareejiyey ciidanka Boliiska, isagoo xusay in qalabkaan uu Boliiska ka caawin doono in ay helaan koronto meelkasta oo ay shaqo u aadayaa.
sanadkaan billowgiisii ayey ahayd markii Xafiiska QM ee UNSOM uu ciidanka Boliiska ku wareejiyey gaadiid loogu talagalay inay ciidanku uga hawlgalaan saldhigyada Boliiska.
W/D:Cabdi Xasan Rooble
