Related posts
Xariga guddoomiyaha degmada Bula burde Duqa Degmadaasi,ayaa ka dambeysay kaddib markii sida uu sheegay xafiiska xeer ilaaliyaha Guud ee Qaranka ay ku heleen lunsasho raashin gar gaar oo loogu talo galay dadka ku goโdoonsanaa Bula Burde, waxaana xafiiska xeer ilaaliyaha guud ee Qaranka uu sheegay in markii hore ay degmadaasi u direen saraakiil isugu jirta Nabad sugid iyo boliisa kuwaa baaritaan ku soo sameeyay arrinkaasi ayna ku ogaadeen eedeysanayaashaasi in ay lunsadeen raashinkaasi ayna ku jiraan xabsi ku yaala magaalada Bula burda ayna la xiran yihiin dad kale oo ay ku jiraan ganacsatadii iibsatay raashinkaasi.
Shir jariid oo ay si wada jir ah magalada muqdisho ugu qabteen xeer ilaaliyaha guud ee Qaranka iyo ku xigeenkisa ayaa faah faahin ka bixiyay.
Ku xigeenka koowaad ee xeer ilaaliyaha guud ee Qaranka mudane Axmed Cali Abuukar oo la hadlay warbaahinta Qaranka ayaa waxa uu sheegay in caawa ay xiran yihiin guddoomiyaha degmada Bula burde iyo duqa degmadaasi, kaddib markii eed ay ku yeesheen wax isdaba marintaasi, isagoo sidoo kale sheegay in si ku meel gaar ah maamulka halkaasi ay ugu soo wareejiyeen Guddoomiye ku xigeenka Degmadaasi ee dhinaca maaliyadda.
Xeer ilaaliyaha guud ee Qaranka Axmed Cali Daahir oo isna la hadlay warbaahinta Qaranka ayaa waxa uu ka hadlay eedaasi, isagoo faah faahin ka bixiyay sida dhibka badan loogu geeyay raashinkaasi dadka ku goโdoonsan magaalada Bula burde oo askar badan oo ka tirsan ciidanka Xoogga dalka Soomaaliyeed, waxaana wax laga xumaado uu ku tilmaamay in la lunsado raashinkaasi oo loogu talo galay dad goโdoon ku jira, isagoo wacad ku maray in marnaba aysan ka hari doonin dadka caadeystay lunsashada hantida dadweynaha ayna sharciga soo taagi doonaa.
Iyadoo xafiiska xeer ilaaliyaha guud ee Qaranka oo waayihii dambe ku mashquulsanaa dabagalka iyo la socodka xafiisyada iyo maamulada Dowladda ayaa xafiiska xeer ilaaliyaha guud howshiisa waxaa hambalyeeyay bulshada qeybaheeda kale duwan.
HALKANI KA DHAGEYSO SHIRKA JIRAA’ID EE XEER ILAALIYAHA GUUD EE QARANKA IYO KU XIGEENKIISA.
