Xaflad kooban oo lagu qabtay garoonka diyaaradaha Muqdisho ee Aadan Cadde ayaa waxaa ka qayb galay mas’uuliyiin ka tirsan laanta socdaalka iyo jinsiyadaha Soomaaliya iyo sidoo kale madaxda shirkadda Favori ee maamusha garoonka diyaradaha Aadan Cadde ee Muqdisho.
Ujeedada xafladda ayaa aheyd in loo mahad celiyo madaxda Favori howsha wanaagsan ee ay u qabteen ummadda Soomaaliyeed iyo isbadalka ay ka sameeyeen garoonka Aadan cadde abaalmarino ayayna shaqaaluhu guddoonsiiyeen madaxda Favori oo Ay ku amaaneen daacadnimo iyo in ay horumar gaarsiiyeen shaqaalaha Soomaaliyeed ee ka howl gala halkaasi.
Guddoomiye ku xigeenka garoonka Maxamuud Faarax Cigaal oo ka hadlay xafladda ayaa amaanay madaxda Favori, isagoo u soo jeediyay in halkii shaqaale ajaanib ah ay dibada ka keeni lahaayeen ay fursad siiyaan shaqaalaha Soomaalida.
Madaxa ugu sareeya shirka Favori ee maamusha Garoonka diyaaraha Aadan cadde Najmudiin Booro Ishineer oo isna ka hadlay xafladda ayaa uga mahad naqay shaqaalaha Soomaalida ah ee garoonka abaalmarinta ay siiyeen.
