Munaasabadaan ayaa waxaa ay aheyd mid isugu jirtay dhiirigelin iyo baraarujin loo sameynayay arday Soomaali ah oo ka qalin jabisay Dugsiyada sare ee magaalada Cape Town, waxaana soo agaasimayay ururka ardayda Soomaalida ee wax ka barta Jaamacadaha ku yaala dalka Koofur Afrika.
Goobta Lagu qabanayay Munaasabadaan ayaa waxaa soo xaadiray waxgarad, aqoon yahano waalidiin iyo qeybaha kala duwan ee bulshada waxaana halkaasi qaar ka mid ah dadkii kasoo qeyb galay oo qudbado ka jeediyay ay sheegeen in ay aad ugu faraxsan yihiin barnaamijkaan dhiiri gelinta ah ee loo sameeyay ardaydaan isla markaana ay diyaar u yihiin dhankooda in ay qeyb ka qaataan wax waliba oo sare loogu qaadi karo waxbarashada.
Cabdinaasir Cali Caraale guddoomiyaha ururka ardayda Soomaalida ee wax ka barta Jaamacadaha ku yaala magaalada Cape Town ayaa sheegay in ay xooga saari doonaan sidii loo xoojin lahaa dadka Soomaalida ee ku nool dalka South Africa in badankooda ay u weecdaan dhanka waxbarashada.
Hooyooyinkii kasoo qeybgalay munaasabadaan ayaa waxaa ay halkaasi kusoo bandhigeen sida ay farxada ula wadaagayaan carruurtooda oo ka qalin jabiyay dugsiyada sare waxaana ay goobta ay keeneen ubax yo iyo iyo hadiyadoo kale.
Inta ay socotay Munaasabada ayaa waxaa 9 ka mid ah ardaydii qalin jabiyay lagu gudoon siiyay halkaasi shahaadooyin iyo hadiyado kale oo dhiiri galin waxaana wajiyadooda aad uga muuqday dareenka ay kala kulmeen bulshada Soomaalida ee ku nool magaalada cape town.
Waxaa sido Kale Hadiyad lagudoon siiyay Oo Ururka Ardayda u Gartaan in Sanadkaan ay Bixiyaan Ardaykii Ugu Dadaalka Badnaa Oo Ka Mid ah Ururka Ardayda In uu Qaato Abdiwahaab Haaji Farax Oo Howlo badan u qabtay Ardayda Isla Markaana ka mid ah ardayda waxka barta jaamacadaha ku yaala magaalada Cape Town.
Waa markii u horeysay oo tiro arday soomaali intaan ah ay ka qalab jabiyaan dugsiyada sare ee ku yaala dalka south Africa waxaana ay nasiib u heleen in markii u horeysay jaaliyadooda ay ka helaan barnaamij dhiirigalin ceynkaan oo kale ah.
C/laahi Maxamuud Amiin C/laahi Qorshe
Cape Town South Africa
