Munaasabadan soo dhowaynta ah ayaa lagu qabtay magaalada Dhusamareb taa soo lagu taageerayey isku darka labada Baarlamaan ee Galgadug iyo Ahlusuna, waxaana ka soo qayb galay Madaxwayne ku-xigeenka Dawlad Goboleedka Galmudug Mudane Maxamed Xaashi Cabdi.
Qaar ka mid ah Xildhibaanada madasha ka wadlay ayaa waxa qireen inay lagama maarmaan tahay ka shaqaynta Midnimada iyo in Baarlamaanka Galmudug uu matalo shacabka deegaannada maamulkaasi.
Guddoomiyaha Baarlamaanaka Dowlad Goboleedka Galmudug Mudane Cali Gacal Casir ayaa sheegay in wax walba laga horumariyo in laga shaqeeyo Midnimada iyo wada jirka, waxaana uu intaa ku daray in la guda gali doono howlaha horyaala Mudanayaasha Baarlamaanka si loo dhamaystiro waxyaabo badan oo qabyo ah.
Ugu dambayn Madaxwayne ku-xigeenka Dawlad Goboleedka Galmudug Mudane Maxamed Xaashi Cabdi ayaa xusay in hadafka guud uu yahay hora u socodka Maamulka, isagoo shacabka ka dalbaday inay xoojiyaan ka qeyb qaadashada horumarinta deegaannada Galmudug .
Maxamed Cabdi Maxamed
