Xaflad si heer sare loo soo agaasimay oo ay ka qeyb galeen dadweyne kala duwan ayaa lagu qabtay magaalada Karachi ee koonfurta wadanka Pakistan.
Ujeedada xafladaan ayaa aheyd u hambalyeynta 19 ardey kuwaas oo ka qalinjabiyey jaamacadaha kala duwan oo ku yaala gobolka Sindh ee dalka Pakistan bartayna noocyada culuumta kala duwan sida caafimaadka, dhaqaalaha, injineernimada, maamulka iyo maareynta, xiriirada caalamiga ah siyaasada iyo kuwa kale.
Xafladaan ayaa waxaa soo abaabulay ardeyda wax kabarta magaalada Karachi waxaana ka soo qeyb galay xoghayaha guud ee safaarada Soomaalida ee dalka Pakistan, C/laahi xaaji Daa’uud, ganacsato , ardey iyo qeybaha kala duwan ee bulshada Soomaaliyeed ee ku dhaqan magaalada karachi ee wadanka Pakistan.
Xafladaan oo socotay qadar saacado ah waxaa lagu soo bandhigay khudbado, riwaayad iyo waxyaaba kale oo badan.
Dadkii ka hadlay madasha dhamaantood ayaa ku dheeraaday ahmiyada waxbarashada iyagoo sidoo kale u hambalyeyay ardeyda qalinjabisay.
Mursal Maxamed Cismaan,Karachi – Pakistan
