Xafladan oo si heer sare loo soo agaamismay islamarkaane aheed mid lagu sagooniyay Danjire Maxamed C/llaahi Ugaas oo Muddo lix sano ah ka shaqeynaayay Safaaradda Soomaaliya ku leedahay Dalka Suudaan.
waxana ka soo qeybgalay Jaaliyadda soomaaliyeed,iyo Ardayda waxa kabarta dalka suudan, Culumo udiin, Madaxda Ururka Ardayda Soomaaliyeed iyo Safiirka Jamhuuriyadda aan Walaalaha nahay ee Jabuuti Axmed Cali Barre iyo waliba qaar ka mid ah Diblomasiinta Safaaradda Soomaaliya ee Dalka Suudaan.
Ugu horeyn waxaa Xaflada hadalo ka jeediyay Gudoomiyaha Jaaliyadda Cabdi Wali Xasan Xuseen iyo Suldaan Kamala iyagoona si isku mid ah u amaanay Danjire Maxamed C/llaahi Ugaas.
Dhanka kale Madaxa Arrimaha Ganacsiga Safaaradda Cabdixakiim Sheekh Luqmaan oo ku hadlayay magaca Safaaradda ayaa Guul iyo Horamar u rajeyay Danjire Maxamed C/llaahi Ugaas
Sido kale Safiirka Jamhuuriyada Jabuuti Axmed Cali Barre iyo sii hayaha Safaaradda Soomaaliya Axmed Ibraahim “Buurfuule” ayaa iyagana uga mahad-celiyay Safiirka sida wanaagsan ee u gutay waajibaadkii mudadii Lixda Sanadood ahayd sarnaa.
Dhanka kale Danjire Maxamed C/llaahi Ugaas ayaa u mahadcelieyey Dhamaan ka soo qeyb galayaasha Xaflada waxuuna sheegey in uu aad ugu faraxsanyahay Xaflada ay u sameeyeen, asigoona aad ugu mahadceliyay sidii wanaagsaneyd ee ay ula shaqeeyeen mudadii uu joogay Suudaan.
Gagabadii xaflada ayaa waaxaa shahaado sharaf la gudoonsiyay Danjire Maxamed C/llaahi Ugaas taa oo ay ugu tala galeen gudiga soo qaban qaabiyay xaflada.
