Guddoomiyaha gobolka banaadir ahna Duqa Magaaladda Muqdisho Jenral Xasan Maxamed Xuseen”Muungaab” ayaa Maanta dhagax dhigay Waddo laami ah, Taas oo ka bilaaban doonta iskoolka 15 May ee Degmada Warta nabadda kuna eg iskooska Folorensa ama Iskooka Xararyaale.
Mashruucan Dib u dhiska dalka ah ayaa waxaa Maalgalinaya dowladda Norway iyadoo Wasaaradda maaliyaduna ay Ka qeyb tahay fulinta Mashruucan, waxaa iska leh Maamulka Gobolka Banaadir.
“Wadadan waa Waddo Muhim ah oo halbowle u ah bulshadda Xamar dagan, iyada ayaana u dooranay in la dhiso oo laga dhigo laami Casri ah oo noqoneysa hal mitir iyo bar, shirkadda dhisayso waxaan leeyahay laamiga waaa in uu ahaado mid sax ah oo si wanaagsan loo dhisay” ayuu yiri Guddooomiye Muungab.
Ugu Dambeyntii Gudoomiye Muungaab ayaa uga Mahadceliyey dowladda Norwey Kaalinteeda dib u dhiska dalka ay ka qaadaneyso.
