Taliyaha Ciidanka Booliska Soomaaliyeed Sareeyo Gaas Cabdi Xasan Maxamed Xijaar ayaa maanta xarigga ka jaray Xarun Cusub oo loo dhisay Ciidanka Ilaalada Xeebaha ee Booliska Soomaaliyeed, oo laga hirgeliyey gudaha Dekedda Muqdisho.
Xaruntan Cusub oo ah mid muhiim u ah Ciidanka Booliska iyo ilaalinta amniga xeebaha Soomaaliya, ayaa qayb ka ah dadaallada lagu tayaynayo Ciidanka Booliska, laguna xaqiijinayo nabad gelyada xeebaha dalkeenna. Waxaana dhismaha xaruntan cusub gacan ka gaystay Midowga Yurub.
Munaasabadda xarig jarka Xaruntan Cusub waxaa ka qayb galay, Wasiiru Dowlaha Wasaaradda Amniga Gudaha Mudane Farxaan Cali Axmed, Wasiir Ku-xigeenka Wasaaradda Dekedaha iyo Gaadiidka Badda Mudane Mahad Maxamed Xasan, Ku-xigeenka Ergayga Gaarka ah ee Qaramada Midoobey, Danjiraha Midowga Yurub ee Soomaaliya iyo Mas’uuliyiin kale.
