Maamulka Galmudug oo kaashanaya Bulshada rayidka ayaa billaabay dhismaha Xarumaha danta guud ee Magaalada Dekada leh ee Hobyo.
Howlahaan oo ahaa kuwo dib u habeyn iyo dib u dayactir loogu samaynayay qaar ka mid ah xarumihii Dowladda ee ku yaalay degmada Hobyo ee gobolka Mudug kuwaas oon helin wax dayactir ah muddo waxaa iska kaashanaya qaybaha kala duwan ee bulshada oo ay wehliyaan Ururada bulshada rayidka ah waxaana howshaas laga billaabay xarunta degmada Hobyo ee gobolkaas halkaas oo ay ka muuqato burbur xoog leh.
Ugu horrayn waxaa goobta ka hadlay hooyooyinkii billaabay in xarunta degmada la dayactiro waxa ay wareejiyeen lacag gaaraysa 22 milyan oo shilin Soomaali ah kuwaas oo lagu dhisayo xarunta Degmada.
Mahdi Maxamed Cismaan oo ka mid ahaa mas’uuliyiintii goobta ka hadlay ayaa wax lagu faanikaro ku tilmaamay tallaabada lagu dhisayo xarumihii dowladda ee Burbursan.
