Guddoomiyaha Hay’adda Maaraynta Musiibooyinka Qaranka Mudane. Maxamuud Macallin Cabdulle ayaa ka qaybgalay xaflad dib loogu soo wareejinayay xaruunta howlgallada gurmadka degdega ah oo ay soo agaasimeen howlwadeenada Hay’adda SoDMA.
Munaasabaddaan, ayaa waxaa kasoo qaybgalay Raysal wasaare ku-xigeenka Xukuumadda Federaalka Soomaaliya Mudane. Saalax Axmed Jaamac, Wasiiro, xildhibaanno, culimmo iyo qeybaha kala duwan ee bulshada.
Xaruunta howlgallada gurmadka degdega ah ayaa inta lagu biirin kahor maanta Hay’adda Maaraynta Musiiboyinka Qaranka hoos tegi jirtay xafiiska Raysal Wasaaraha ee XukuumaddaFedaraalkaSoomaaliya, waxaana maanta laga billaabo ay hoos tegi doonaan dhammaan shaqaalaha xaruuntaas Hay’adda SoDMA oo ku howl geli doonta xaruunta Qaran ee howlgallada gurmadka degdegga ah.
Wasiirka Arrimaha Gudaha ee Xukuumadda Fedaraalka Soomaaliya Mudane. Axmed Macallin Fiqi oo ay wehliyaan Guddoomiyaha Hay’adda SoDMA iyo Xoghayaha joogtada ee Xukuumadda Federaalka Soomaaliya,ayaa munaasabadda kaddib kormeer ku tegay xaruunta cusub ee maanta lagu wareejiyay Hay’adda Maaraynta Musiibooyinka Qaranka, waxa ayna si wadajir ah u boggaadiyeen dowladda Swedan oo gacan weyn ka geysatay dhismaha iyo hirgelinta xaruuntaan oo baahi weyn xilligaan loo qabay muhiimad gaar ahna ugu fadhisa dowladda iyo shacabka Soomaaliyeed.
Xaruuntaan ayaa laga hirgeliyay degmada Cabdicasiis ee gobolka Banaadir iyadoo dhismaha xaruuntaas ay iska kaashadeen dowladda Soomaaliya iyo Dowladda Iswiidhan ( Swedan), waxaana loogu talla galay in loogu adeeggo shacabka Soomaaliyeed ee u baahan gurmadka degdegga ah.
