Madaxweynaha Puntland Mudane Siciid Cabdullaahi Deni, oo safar shaqo ku jooga magaalada ย Qardho ayaa xarigga kajaray xarunta la socodka iyo la dagaalanka Ayaxa ee Soomaaliya oo laga hirgeliyay Qardho.
Madaxweynaha Puntland ayaa boggaadiyay dadaalka iyo shaqada wanaagsan ee ay wadajir u qabteen Wasaaraddaha Beeraha Xukuumadda Federaal iyo tan Puntland iyo Hayโadda FOA, taasi oo sahashay in sidii loogu talagalay loo hirgeliyo xaruntan, oo ah tan ugu weyn ee la dagaalanka Ayaxa guud ahaan Soomaaliya iyo Keeska Africa.
Related posts
Intii ay munaasabadda socotay wuxuu Madaxweynuhu goobjoog ka noqday, heshiiska Aqoonsiga xaruntan in ay shaqo bilowday oo ay kala saxiixdeen Wasiirka Beeraha ee Xukuumadda Fedaraalka Soomaaliya Mudane Siciid Xuseen Ciid iyo Madaxda Hayโadda La socodka iyo la dagaalanka Ayaxa ee Bariga Afrika (DLCO).
Munaasabadda furitaanka xarunta Ayaxa ee Soomaaliya waxaa qaeyb galay Madaxweynaha Puntland Mudane Siciid Cabdullaahi Deni, Wasiirka Wasaaradda Beeraha Xukuumadda Fedaraalka Soomaaliya Siciid Xuseen Ciid, Wasiiradda Dowladaha xubnaha ka ah DFS, Madaxda Hayโadda FAO ee Soomaaliya, Goleyaasha Dowlad gobaleedka Puntland iyo Maamulka magaalada ย Qardho.
