Xaruntaan oo laga hirgaliyay Magaalada Gaalkacyo Waxaa gacan way ka geeystay Hay’adda Qaramada Midoobay ee FAO isla markaana ay maalgaliyeen Midowga yurub, ayaa maanta lagu wareejiyay Wasaaradda Xanaanada Xoolaha Dowlad Gobaleedka Puntland.
Wasiirka Wasaaradda Xanaanada Xoolaha Puntland Maxamed Cabdulaahi libaax Guddoomiyaha Gobalka Mudug ee Puntland Faysal Sheekh Cali iyo Saraakiil ka socatay hay’adda FAO, ayaa si rasmi ah xariga uga jaray xarunta cusub ee Wasaaradda Xanaanada Xoolaha Puntland ee Gobalka Mudug.
Mas’uuliyiinta, ayaa xarig jarka ka dib kormeeray dhammaan qeybaha Xafiisyada ay ka kooban tahay xarunta cusub, iyagoona uga mahadceliyay hay’adda FAO Midowga Yurub.Guddoomiyaha Gobalka Mudug Feysal Sheekh Cali Ayaa yiri “Waxaan ugu mahadcelinaynaa dhismaha Xaruntaa, Waxayna ahmiyad weyn u leedahay ka gobal ahaan Xaruntaan”. Ayuu yiri Guddoomiyaha Gobalka Mudug Feysal Sheekh Cali.
Wasiirka Wasaarada Xanaanada Xoolaha Puntland Maxamed Cabdulaahi libaax, ayaa isna dhankiisa xusay in xaruntaan ay wax weyn ugu fadhiso Wasaaradiisa, ugna adeegi doonaan bulshada.
