Madaxweynaha iyo wafdigiisa, waxaa garoonka magaalada nairoobi ku soo dhaweeyay Mas’uuliyiin ka tirsan Safaaradda Soomaaliya ay ku leedahay dalkaasi iyo mas’uuliyiin ka ytirsan Dowladda Kenya.
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa halkaas la filayaa in uu uga qaybgalo muunaasabadd loogu baroordiiqayo askartii Kenya ee lagu dilay deegaanka Ceelcadde ee gobolka Gedo, si ay dowladda Soomaaliya ula wadaagto Dowladda iyo shacabka kenya dhibaatada soo gaartay maaddaama ay Soomaaliya ciidankoodu u yimaadeen caawinta dalka iyo dadka Soomaaliyeed
Sidoo kale baroordiiqdan loo sameynayo ciidamada Kenya ayaa waxaa ka qeybgalaya madax kala duwan oo ka socda dalalka Africa qaarkood, waxaana madaxdaasi ka mid ah, Madaxweynaha dalka Nigeria Muhammadu Buhari iyo Madaxweynaha Kenya Uhuru Kenyatta, waxaana la filayaa in saacadaha soo socda ay bilaabato xafladda loogu baroor diiqayo ciidanka Kenya ee ku dhintay Soomaaliya.
