Madaxweynaha Jamhuuriyadda Federaalka Soomaaliya Xasan Sheekh Maxamuud ayaa maanta Dhagax dhigay Akadeemiyadda Cilmiga Fanka iyo Suugaanta oo la furay Sanadihii todobaatameeyadii Tankii si dib u dayactir loogu sameeyo.
Akadeemiyadda oo salka u dhigtay qoristii afka Soomaaliga islamarkaana keydin jirtay Buugaagta Hidaha Dhaqanka iyo suugaanta Soomaaliyeed ayaa waxaa dhismaheeda dowladda Soomaaliya gacan ku siiyay hay’adda Chispa iyo midowga Yurub waxaana wasiirka waxbarashada Hidaha iyo Tacliinta sare Khadar bashiir ay Madaxda Qaranka ku Ammaantay sida ay u garteen in dib loo Howlgeliyo.
Madaxweynaha Soomaaliya Xasan Sheekh Maxamuud oo hadal ka jeediyay Dhagax dhigga ayaa sheegay in Dowladdu xoog weyn gelin doonto Horumartinta afka Soomaaliga.
Sidoo kale Madaxweynaha Soomaaliya ayaa tilmaamay in dhawaan la howlgelin Doono Akadeemiyad Gobolleedka Horumarinta Afka Soomaaliga kaa soo ka Dhaxeeya guud ahaan dalalka looga hadlo Afka Soomaliga.
“Midoga Yurub taageerada uu siiyo Soomaaliya maaha mid qarsoon hase ahaatee waa mid muuqata sida Akadeemiyadda oo kale ayuu yiri Madaxweynaah Soomaaliya”.
Howlgelinta Akadeemiyadda fanka iyo Suugaanta ayaa qeyb weyn ka qaadan Doonta sidii loo Horumarin la haa Afkeenna hooyo iyo soo nooleynta Taariikhdiisa.
