Xeer ilaaliyaha guud ee Qaranka Soomaaliya Dr. Axmed Cali Daahir, ayaa sheegay inay Dowladda Hindiya kala hadleen sidii Dhallinyarada Soomaaliyeed ee ku xiran halkaasi loogu soo celin lahaa Dalka si loogu Maxkamadeeyo.
Dr. Axmed Cali ayaa sheegay inay da’yartani xaq u leeyihiin in Maxkamad lagu saaro Dalkooda Hooyo, balse ayan Dowladda Hindiya xaq u lahayn iney ka gaarto go’aan kama dambays ah dembiyada loo haysto.
Hadalka Xeer ilaaliyaha Qaranka, ayaa imanaya iyado dhawaan safaaradda Soomaaliya ee India ay beeniysay warar sheegayay in maxkamad ku taala dalka India ay 50 dhalinyaro Soomaali ah dil ku xikuntay.
