Dacwad oogaha Guud ee Qaranka iyo Qubaro la socota oo ku sugan dalka Holland ayaa lagu wadaa saaka oo Isniin ah in ay maxkamadda caalamiga ee Hague u gudbiyaan dacwad la xiriirta muranka badda ee Soomaaliya iyo Kenya, si arrimahaasi xal looga gaaro.
Wariyaha Warbaahinta Qaranka Cabdullaahi Taajirow oo ku sugan dalka Netherland ayaa xusay in saacadaha soo socda ay xeer ilaaliyaha guud ee Qaranka Axmed Cali Daahir iyo Qareenada la socoto ay maxkamadda Caalamiga ah ee Cadaaladda u gudbin doonaan dacwadda.
“Dacwadaan muddo labo sano ah ayaa laga soo shaqeynayay, waxaan jeclaan lahaa in ummadda Soomaaliyeed ay dowladda ku kalsoonaadaan iyo dadka u matalaya dacwadda, waxaan ummadda ugu bishaareynayaa in dacwaddu ay tahay mid ay ku helayaan xaqooda, waxaana heysanaa kalsooni weyn oo ah in kiiskan uu yahay mid aan ku guuleysanayno” ayuu yiri Xeer Ilaaliyaha.
