Barlamanka Federaalka Soomaaliya ayaa lagu wadaa in maanta uu fadhi ku yeesho xarunta golaha Shacabka ee magaalada Muqdisho.
Xeer ilaaliyaha guud ee Qaranka iyo Hanti dhowrka ayaa la filayaa ineey maanta hortagaan baarlamanka, kadib markii ay mowshin ka keeneen mudanayaal ka tirsan baarlamanka.
Amaanka ayaa si weyn loo adkeeyay waxaana la xiray wadooyinka mara nawaaxiga xarunta golaha shacabka ee magaalada Muqdisho.
Gudoomiyaha baarlamanka Maxamed Sheekh Cusmaan “Jawaari” ayaa shalay ku dhawaaqay in loo soo gudbiyay mowshin ay mudanayaasha qaar ku dalbanayaan in Xeer ilaaliyaha iyo hantidhowrka guud ee Qaranka ay hor yimaadaan baarlamanka
Maanta ayaana lagu wadaa in labadaasi ay mas’uul ay hortagaan baarlamanka si su’aalo loo weydiiyo.
