Danjiraha Soomaaliya ee Dalka Kuwait ahna Hormuudka Safiiradda Carbeed iyo qaar ka mid ah Diblomaasiyiinta Safaaradda ayaa Xalay saqdii dhexe garoonka Dayuuradaha ee Caasimada Kuwait ku soo dhaweeyay 15 Xeer Ilaaliye, ย oo tababar xagga Garsoorka ah ku qaadan doona Machadka Tababarrada Adeegga Garsoorka ee Dalka Kuwait.
Qabsoomidda Tababarkan waxaa si wadajir ah isaga kaashaday Safaaradda Jamhuriyadda Soomaaliya ee Kuwait, Xafiiska Xeer Ilaaliyaha Guud ee Qaranka iyo Wasaaradda Cadaaladda Kuwait.
15 ka Xeer Ilaaliye ayaa ah kuwo laga soo xulay dhammaan gobollada Dalka iyadoo ay Gabdhona la socdaan. Danjiraha Soomaaliya ee Kuwait oo howshan ka mira dhalinteeda dadaal badan galiyay ayaa Radio Muqdisho u sheegay in ay ahmiyad weyn siinayan tayaynta Adeegga Garsoorka taasina ay qeyb ka tahay buu yiri Siyaasadda Guud ee Dowladda.
Waxaa lagu wadaa in Tababarka kani uu socon doono muddo laba usbuuc ah iyadoo Wasaaradda Cadaaladda Kuwait ay diyaar u tahay in ay dhiggeeda Soomaaliya ka gacan siiso xagga farsamada iyo Tababarada Saraakiisha Garsoorka.
