Xeer ilaaliyaha Guud Ee Qaranka Axmed Cali Daahir Oo Marti ku ahaa Barnaamishka Sahanka Raadiyaha Oo Barqo kasta ka baxa Radio Muqdisho ayaa waxa uu kaga hadlay Kiisas kala duwan oo la xiriira Garsoorka Soomaaliya.
Mudane Axmed Cali Daahir oo ka hadlay Baahida loo qabo Guddiga Adeegga Garsoorka ayaa ku boorriyay Mudanayaasha Baarlamaanka Soomaaliya in ay dadajiyaan Meelmarinta Dhismaha Guddiga Adeegga Garsoorka.
Related posts
Xeer ilaayaha qaranka ayaa sheegay in waqtigan baahi xoog leh loo qabo in la dhiso gudiga Adeegga Garsoorka.
Axmed Cali Daahir ayaa Soo hadla qaaday dhibaatooyinka ka taagan Kiisaska la xiriira Dacwadaha Dhulka,taas oo ah mashakilaadka ugu badan ee garsoorka maalin kasta horyaalla.
Kiisaska Dhululka ayuu xeerilaaliyuhu Sheegay in uu kala dhexeeyo Gobalka Banaadir,Wasaaradda Arimaha Gudaha iyo wasaaradda Amniga, hadda gacanta lagu hayo Qorshe lagu kala saaraya dadka isku heysta Dacwadaha Dhulka ku saabsan.
Mudane Axmed Cali Daahir ayaa ka hadlay Caqabadaha Heysta Garsoorka Soomaaliya isagoo rajo wanaagsan ka muujiyay in waxbadan isbadili doonaan, ayna ku dhabar adeegayaan in dadka soomaaliyeed ay helaan Garsoor Caddaalad ah.
Mar wax laga weydiiyay Xeerilaaliyaha Guude Ee Qaranka Halka ay ku dambeysay Kiiska la xiriira Badda Soomaaliya ee ka dhex taagan Soomaaliya iyo Kenya Ayuu sheegay in Dacwad arintaas la xiriirta ay u gudbisay Dowladda Soomaaliya Maxkamadda Aduunka,lagana yaabo in dacwaddaasi waqtibadan qaadan karto.
Ugu dambeyntii Xeerilaaliyaha Guude Ee Qaranka Soomaaliyeed Mudane Axmed Cali Daahir ayaa Sharaxay Socdaal shaqo oo uu ku soo kala bixiyay Maamulgaleedyada ka dhisan dalka Sida Puntland,Galmudug,iyo Koonfur Galbeed isagoo kala soo hadlay sidii Xafiisyo uu garsoorku uga farunlahaa deegaanadaasi.
