Xulka kubadda cagta ee Jubbaland ayaa ku guuleystay Tartanka Cayaaraha ee maamul goboleedyada ka socday garoonka Koonis Stadium degmada C/casiis ee Goboka Benaadir, kaddib markii ay cayaartii kama dambeysta ahayd 1-0 uga badiyeen xulka Puntland oo tartankan ku guuleystay sanadkii hore.
Cayaarta labada Xul ayaa goobta ku soo bandhigay cayaar aad u wanaagsan oo ay jecleysteen dhamaan dadkii u soo daawasho tegay, waxaana Xidigaha Xulka Jubbaland ay goolka dhaliyeen daqiiqadii 74aad ee qeybtii labaad ee ciyaarta, waxaana markii garsooraha uu ku dhawaaqay seeriga inay dhamaatay ciyaarta ayaa waxaa ciyaartoyda iyo taageerayaashooda ay bilaabeen dabaal deg.
Sidoo kale dabaal tan la mid ah ayaa ka socoto magaalada Kismaayo ee xarunta KMG u ah dowlad Goboleedka Jubbaland.
