Wafdi uu hoggaaminaayo xildhibaan Cabdimaali Cabdalla oo ay ka mid yihiin Saraakiil ciidan iyo Odayaal dhaqan oo safar dhanka dhulka uga soo amba-baxay magaalada Muqdisho, ayaa soo maray deegaanno badan oo ka tirsan gobollada Shabeellaha dhexe iyo Hiiraan, kuwaas oo dhawaan laga xoreeyay kooxda Khawaarijta Al-shabaab.
Xildhibaanka iyo wafdiga uu hoggaaminayay,ayaa soo maray deegaannada kala ah Caaddalin, Libigii-Roogada-lahaa, Qoyaale, Eegii Maxamed Samoow, Qurac-Barwaaqo, Garas-dheere iyo degmada Jalalaqsi ee gobolka Hiiraan, halkaas oo uu kula kulmay qeybaha kala duwan ee bulshada deegaannadaas.
Xildhinaan Cabdimaalik Cabdalla ayaa shacabkii uu la kulmay ku dhiirageliyay sida geesinimada ah leh ee deegaannadooda uga difaacdeen kooxda Khawaarijta Al-shabaab oo soo damaaciyay, wuxuuna balan qaaday inuu kala shaqeyn doono sidii deegaannadaas loo gaarsiin lahaa adeegyada muhiimka u ah nolosha aadanaha.
โ Waxaa idinkaga mahadcelinaa sida aad isaga difaaceen Khawaarijta hubka ugu badan ee aad maanta heystaanna Argagaxisada uga soo Furateenโ, ayuu yiri xildhibaan Maalik Cabdalla.
Qaar ka mid ah shacabka ku nool deegaannada uu tegay xildhibaanka, ayaa bogaadiyay safarkiisa indha-indheynta ah iyo dadaallada Dowladda Federaalka ee ku aadan in guud ahaan dalka laga xoreeyo kooxaha nabad-diidka ah ee Khawaarijta.
