Aaska Allaha u naxariistee fanaankii Cumar Cabdulle Shooli waxaa ka qayb galay Xildhibaan Maxamed Cumar Dalxa Gudoomiye ku xigeenka gobolka Banaadir Ibraahin Cumar Mahad Alla, fanaaniinta hobollada Qaranka Waabari iyo fanaaniinta kooxaha kala gedisan dalka, siyaasiyiin, waxgarad, ehelada iyo carruurta marxuumka,
Mas’uuliyiin ka socda hobolada Qaranka Waabari, Golaha Abwaanada iyo ehelka marxuumka ayaa oo Warbaahinta Qaranka la hadlay ayaa waxay maamulka Gobolka Banaadir uga mahadceliyeen garab istaaga aaska, waxaana ay bulshada ka codsadeen in la iska cafiyo marxuumka.
Xildhibaan Maxamed Cumar Dalxa, Guddoomiye ku-xigeenka Gobolka Banaadir Ibraahin Cumar ayaa sheegay in Marxuum Cumar Shooli uu shaqo aan la soo koobi karin ka soo qabtay dalka, waxaana ay Alle uga baryeen in uu Janadii Fardowsa ka waraabiyo.
Marxuum Cumar Cabdulle Shooli ayaa waxa uu ka mid ahaa fanaaniinta Hobolada Qaranka Waabari kuwii ugu cad caddaa, isagoo ku luuqeeyay suugaan badan oo isugu jirta wadani, Waxbarasho iyo jacaylba oo aan shacabka Soomaaliyeed marnaba iloobayn xasuustiisa
