Xildhibaan Maxamed Cumar Dalxa ayaa soo dhoweeyay go’aankii Guddoonka Barlamanka Federaalka uu kasoo saaray mooshinkii ka dhanka ahaa Madaxweynaha Dalka.
Xildhibaanka oo waraysi uu Arrimahaas uga hadlayo siiyay Warbahinta Qaranka ayaa sheegay in uu si diiran u soo dhawaynayo hakinta Mooshinkii qaarka mid ah Xubnaha Baarlamaanka ay ka wadeen Madaxweynaha jamhuuriyadda Federaalka Soomaaliya Xasan Sheekh Maxamuud
“ Hakinta Mooshinkaan Waxa uu waxbadan ka badalidoonaa xaaladdii baryahaan Murugsanayd ee ka jirtay hay’adaha Dowladda gaar Ahaan Baarlamaanka Annaga oo dhiirigalinayno waajibaadka shaqo ee Dowladda iyo la xisaabtanka Barlamaanka ayaan Radio Muqdisho si Buuxda waxaan u taageernay innaga oo ka eegayna Danta Guud iyo Maslaxiyadda Shacabka Soomaaliyeed” Ayuu yiri Xildhibaan Dalxa.
Guddoonka baarlamaanka ayaa soo saaray Go’aan lagu joojiyay Arrimaha mooshinka Madaxweynaha jamhuuriyadda taas oo ay dhawaan soo gudbiyeen Xildhibaanno ka tirsan barlamaanka federaalka.
