Shirka baarlamaannada wadamada Jaamacadda Carabta oo maalmihii la soo dhaafay ka socday Qaahira ayaa lagu wadaa in maanta la soo gebagebeeyo.
Xildhibaan Maxamed Cumar Dhalxa oo shirkaasi ka qeybgalaya ayaa Radio Muqdisho u sheegay in kulanka lagu doortay gudoon cusub oo uu yeesho baarlamaanka wadamada Jaamacadda Carabta.
Mudane Dhalxa ayaa xusay in gudoomiyaha Baarlamanka wadamada jaamacadda Carabta markale loo doortay Axmed Maxamed Garwaan oo u dhashay wadanka isu tagga imaaraadka Carabta.
Wuxuu intaa ku daray in Afarta gudoomiye ku xigeen ee baarlamaanka jaamacada Carabta loo doortay rag u kala dhashay wadamada Sudan, Aljeriya, Maroco iyo Kuwayt.
Xildhibaan Dhalxa ayaa tilmaamay in doorashada kadib kulanka baarlamanka jaamacadda carabta laga soo saaray qodobo ku saleeysan siyaasadda, dhaqaalaha iyo arrimaha bulshada.
Mudane Dhalxa ayaa hoosta ka xariiqay in kulanka Baarlanka la soo geba gebeeyn doono maanta, isagoo tibaaxay ineey ka soo bixi doonaan qodobo wax tar u leh dalkeena Soomaaliya.
