Wafdi uu hoggaaminayo mudane ka tirsan Barlamaanka Federaalka Soomaaliya oo maanta gaaray halka uu ka socdo shirka dib u heshiisiinta dadka degga gobolka Hiiraan ayaa bogaadiyay sida uu u socda shirka.
Xildhibaan Shuuriye Muumin Afrax oo ka mid ah mudanayaasha baarlamaanka ee maanta gaaray magaalada Beladweyne ee xarunta gobolka Hiiraan ayaa ugu baaqay bulshada gobolkaasi degta inay ka qeyb qaataan dib u heshiisiinta iyo ka shaqeynta Midnimada Ummadda, meelkasta oo ay joogaan, waxaana uu ku baaqay in dadka ka maqan shirka ay gogosha fadhiistaan oo ay soo gudbiyaan cabashadooda.
“Bulshada walaalaha ee degan Gobolka Hiiraan, runtii waxaan qabaa in dadkii soo qaban qaabiya shirka waa arrin aad u fiican, waayo dib-u-heshiisiinta waa arrin muhiim ah, walaalaha ka maqan shirka waxaan leenahay ka soo qeyb gala shirka, cabshaqada aad qabtiina, halkaan ka sheega, si loo gaaro xal” ayuu yiri Xildhibaan Shuuriye.
