Xildhibaan Musraf Sheekh Cali Dhuxuloow ayaa maanta booqdey qaar ka mid ah Ardeyda dhigata Iskuulka Al-Basiir ee Indhooleyaasha oo Qalniin indhaha ah lagu sameeyo maanta.
Qalniinka lagu sameeyey Siteey Xasan Cumar iyo Maxamed Cabdullaahi, waxa uu ka dhacay Isbitaalka Ordogan Ex-Dikfeer ee magaalada Muqdisho, waxaa lagu guuleystay labada Qalniin ee maanta lagu sameeyey Ardeydaasi.
Siteey Xasan Cumar waxaa Qaliin looga sameeyey Isha Bidix, halka Maxamed Cabdullaahi looga sameeyey Isha Midig, labaduba waa lagu guuleystay.
Xildhibaan Mustafa Dhuxulow oo ahaa qofkii ugu horreeyey ee gacan ka geysta Qalniinka Ardey hore oo aragga la’aa, ayaa maanta mar kale goob-joog u ahaa Qalniinka labadaasi Ardey ee masaakiinta ah lagu sameeyey.
Xildhibaanka ayaa ballan-qaadey in uu bixin doono Nafaqeynta labadaasi Ardey oo muddo arag la’aan ahaa, iyadoo Siteey Isha Midig muddo kaddib Qalniin looga sameeyn doono.
Qalniinka kaddib Dhaqtarka sameeyey Qalniinka oo ah Turki, ayaa sheegay in Nuurkooda uu soo laabtay, hasa yeeshee ay u baahan yihiin in la xannaaneeyo.
Xildhibaan Mustaf Dhuxulow ayaa sheegay in mar walba uu diyaar u yahay sidii uu gacan u siin lahaa dadka tabaaleysan iyo kuwa baahiyaha gaarka ah qaba.
Labadii sanno ee u dambeeysay waxaa lagu guuleystay in Indhaha loo fiiqo ilaa afar ka mid ah Ardeyda Indhooleyaasha ah, sidoo kalena waxa uu si joogta ah uga war hayaa xaaladaha dhanka Waxbarasho iyo nololleed Ardeyda Dhigata iskuulka Indhooleyaasha ee Al-Basiir
