Xildhibaan oo ka mid ah xubnaha golaha shacabka jamhuuriyadda Soomaaliya oo Β dhowaan booqatay degmada Qansax-dheere oo ka tirsan gobolka Baay ayaa waxaa ay sheegtay in ay dadka ku nool degmadaas ay dhibaato baniβaadanimo aad u daran heysato taas oo ka dhalatay abaaro iyo waddooyinka degmadaas oo ay xireen maleeshiyaadka Al-shabaab muddo afar sano ka badan.
Xildhibaan Samra, ayaa intaa ku dartay in degmada ay gaarsiisay deeq isugu jirta raashiin iyo dawo oo qeybka ahaa deeqda gurmadka abaaraha oo ay wadaan dowladda dhexe iyo maamulada dalka ka jira.
Related posts
βGargaar ayaan gaarsiiney daawo ka socotay maamulka Koofur galbeed wasaaradda caafimaadka iyo heyβadaha samafalka ah, sidoo kale lacagtii gudiga abaaraha maamulka Koofur galbeed oo aniga la ii dhiibey,β ayay tiri Xildhibaan Samra.
Samra Ibraahim Cumar oo ka tirsan baarlamaanka Soomaaliya ayaa sidoo kale sheegtay in abaarta iyo biyo laβaanta ka jirta degmada Qansax-dheere ay u dheer tahay cuduro ka dilaacay deegaanka oo ay tiro dad ah u geeriyoodeen.
βWaxaan aragnay dad shuban dadkooda u geeriyoodeen waxayna ka dhaheen dadka waa ay iska dhimanayaan sida ay u shubmayaan waayo wax dawo ah looga hayo, Baydhabo ayaa ah meesha ugu dhow gaari lagu qaado ma lahan maadaama ay waddooyinka xiran yihiin,β ayay hadalkeed ku dartay.
Xildhibaan Samra Ibraahim Cumar, ayaa baaq u dirtay dowladda Soomaaliya iyo heyβadaha gargaarka in ay si deg deg ah ugu gurmadaan dadka ku dhibaateysan degmada Qansax dheer ee gobolka Baay.
Degmada Qansax-dheere ee gobolka ayaa kamid ah degmooyinka wax soo saarka dhanka beeraha ku wanaagsan, hase yeeshee dhibaatooyinka abaaraha iyo colaadaha oo is biirsaday ayaa dadka degmadaas ka dhigay kuwo aad u nugul.
