Guddoomiyaha guddiga difaaca ee baarlamaanka Soomaaliya mudane Xuseen Carab Ciise ayaa ka warbixiyay shir uu kaga soo qeybgalay dalka Fariinsiiska.
Guddoomiyaha oo maanta warbaahinta qaranka wareysi gaar ah ku siiyay magaalada Nairobi ayaa sheegay in shirka uu socday muddo 10 cisho ah, isaguna uu matalayay dowladda federaalka Soomaaliya.
Xildhibaan Xuseen Carab Ciise ayaa waxa uu tilmaamay in waxyaabaha shirka lagu gorfeeyay ay ka mid aheyd la dagallaanka argagaxisada, burcad badeeda, socdaalka iyo waxyaabo kale.
Mudane, Xuseen Carab Ciise ayaa intaa raaciyay in shirka uu ku soo dhamaaday si guul ah, Soomaaliyana ay ka faa’iideyso waxyaabo la taaban karo.
Guddiga difaaca ee baarlamaanka Soomaaliya ayaa kamid ah guddiyada ugu shaqada badan ee baarlamaanka.
